ავტოსადგური „ოკრიბა“ უკვე სამ ათწლეულზე მეტია, მნიშვნელოვან როლს ასრულებს საქართველოს სატრანსპორტო სექტორში. მისი ჩამოყალიბება დაიწყო იმ პერიოდში, როდესაც ქვეყანაში თანამედროვე ავტოსატრანსპორტო საშუალებები ჯერ კიდევ იშვიათობა იყო. სწორედ მაშინვე „ოკრიბამ“ აიღო საკუთარ თავზე მნიშვნელოვანი მისია — გამხდარიყო ცენტრალური კვანძი, რომელიც ხელს შეუწყობდა საქალაქთაშორისო და საერთაშორისო მგზავრთა გადაადგილებას.
წლების განმავლობაში „ოკრიბა“ მუდამ ლიდერი იყო სიახლეების დანერგვის პროცესში. სწორედ აქ პირველად შემოიყვანეს ახალი ტიპის ავტობუსები, რაც მაღალი დონის სერვისის და მგზავრთა კომფორტის გარანტი გახდა. განახლებისა და განვითარებისკენ მუდმივი სწრაფვა მის განმასხვავებელ ნიშნად იქცა.
გეოგრაფიული მდებარეობის გამო „ოკრიბა“ ყოველთვის იყო და არის საერთაშორისო მგზავრთა გადაყვანისა და ბარგის გადაზიდვის მნიშვნელოვანი ჰაბი. იგი ქვეყნის დასავლეთსა და აღმოსავლეთს შორის უმთავრეს სატრანსპორტო კავშირად ჩამოყალიბდა, რაც მას განსაკუთრებულ ადგილს ანიჭებს საქართველოს სატრანსპორტო ინფრასტრუქტურაში.
ტურიზმის სწრაფი ზრდისა და თანამედროვე მოთხოვნებიდან გამომდინარე, ავტოსადგურმა დაისახა მიზნად სრული გარდაქმნა და განვითარება. 2024 წელს დაწყებული ავტოსადგურებისა და მგზავრთა გადამყვანების რეფორმის შედეგად, „ოკრიბა“ გახდა პირველი საქართველოში, რომელმაც მოიპოვა I კლასის ავტოსადგურის სერტიფიკატი, რაც მისი ხარისხის, სტანდარტებისა და თანამედროვე მიდგომების დამადასტურებელია.
დღეს ავტოსადგური „ოკრიბა“ არის არა მხოლოდ სატრანსპორტო ცენტრი, არამედ სტრატეგიული ჰაბი, რომელიც აკავშირებს დასავლეთსა და აღმოსავლეთ საქართველოს, აერთიანებს ტურიზმსა და ბიზნესს, და მუდმივად ზრუნავს თანამედროვე სერვისების განვითარებაზე.
